Hoofstuk 11Jewel klim uit die stort en draai die sagte handdoek om haar stomende lyf. Sy nader die spieël en kyk vir 'n oomblik na haar weerkaatsing, voordat sy afkyk na die klere op die vloer. Sy begin selfbewus voel om twee agtereenvolgende dae dieselfde goed te dra.
Steven het byna die heeltyd naby haar gebly, vandat sy hier aangekom het en sy het skielik die begeerte om soos 'n meisie te voel. Sy knip haar oë en wonder wanneer sy begin omgee het wat hy dink. Maar sy vind dat sy wel omgee … en dis gevaarlik.
Sy dink weer daaraan om weg te hardloop en eenvoudig huis toe te gaan. Sy het al haar klere daar en al haar benodigdhede vir aanlynskool. Dis die enigste ding wat Anthony haar regtig laat doen het, buite hul 'verhouding'. Die waarheid is, die skoolboeke en al daardie klere waarna
