-Sofia-
“Your ex-boyfriend?” nagtatakang tanong ni Kim habang inaalalayan akong maupo. Nagsiuwian na ang ibang mga bisita dahil sa nasaksihan nila. Kami na lang magkakaibigan ang naiwan sa bahay ni Vincent. “Pero bakit siya nagpropose sa’yo? At saka ano itong video? Sinong nag-upload nito?”
Ikinuwento ko sa kanila kung anong ginawa sa akin ni Asher sa Spain, at kung paano ako nakipag-break sa kanya sa text lang. Hindi ko na nabasa ang reply niya dahil blinock ko na siya bago ako umuwi ng Pilipinas.
“Clara invited him here.” pagpapatuloy ko. “Baka siya din ang nag-upload ng video namin sa social media.”
“Ang walanghiyang babaeng ‘yun!” gigil na gigil na saad ni Kim. “Sabi ko na nga ba at may pinaplano siya eh! Kailangang malaman ni Josh ito!”
“Pano si Asher? Anong gagawin mo sa kanya?”
