أنهى "عادل" صلاة العشاء وظل يسبح ربه ويستغفره , أقبلت زوجته من خلفه قائله :
حرماً ياحاج "عادل"
نهض فأسرعت "سهام " بأخذ سجادة الصلاة من يده وطوتها ووضعتها على الكرسي
جمعاً إن شاء الله
اتجه "عادل" الى السرير , فأسرعت "سهام" بفرد الغطاء عليه , ووقفت بجوار الفراش ويبدو عليها علامات التردد , انتبه اليها قائلاً :
خير فى حاجه ؟
قالت بتردد : بصراحة فى موضوع كنت عايزة أكلمك فيه
خير إن شاء الله
لأ خير .. خير إن شاء الله .. أصل .. يعني .. الموضوع بخصوص "فيحاء"
اعتدل "عادل" فى جلسته قائلاً :
خير حصل حاجة بينها وبين خطيبها ؟
أسرعت "سهام" بإجابته :
لأ .. لأ كفى الله الشر , ده الجدع بصراحة ما يتعيبش
أمال في ايه ما تقولى وقعتى قلبي
أصل بصراحة كدة "فيحاء" مضايقة ان معاد الفرح اتحدد بسرعة
قال وقد ظهرت عليه ملامح الغضب : بسرعة ايه وزفت ايه .. هو لعب عيال .. المعاد متحدد من يوم ما الجدع جه ا
