اجتمعت "فيحاء" ووالدها مع المحامى الأستاذ "شوقى" فى مكتبه لبحث تفاصيل القضية .. فقال المحامى مطمئناً اياها :
- متقلقيش يا مدام "فيحاء" .. أحسن حاجة عملتيها هو التقرير الطبي والمحضر اللى اتعمل فى نفس اليوم اللى حصلت فيه واقعة الضرب
قالت "فيحاء" والأمل يدب فى أوصالها :
- يعني يا أستاذ "شوقى" القاضى هيحكملى بالخلع
- أيوة ان شاء الله أنا متفائل ده طلاق للضرر ولإستحالة العشرة بينكم
قال والد "فيحاء" يشكره :
- ربنا يباركلك ويجزيك عنا خير
ثم أردف المحامى قالاً :
- لازم تعرفى يا مدام "فيحاء" انك هتتنازلى عن جميع حقوقك المالية والشرعية وهي مؤخر الصداق ونفقة العدة ونفقة المتعة إضافة إلى ردك مقدم الصداق اللى أخذتيه
من الزوج
أسرعت "فيحاء" قائله :
- مفيش أى مشكلة هتنازله على كل حاجة المهم أطلق منه
- تمام كده يبقى على بركه الله هنبتدى فى اجراءات القضية من النهاردة ان شاء الله
- ان شاء الله
