جلس "عزمي" فى مكتبه واجماً يفكر فى العاصفة التى ثارت فى منزله الليلة الماضية ..لم يكن لديه أدنى استعداد للتنازل عن "فيحاء" .. لكنه أيضاً يريد من عائلته
أن تتقبل زواجه منها .. وأن يباركون هذا الزواج .. كان شارداً .. عندما طرق "كريم" الباب ودخل وجلس أمام "عزمي على المكتب .. نظر اليه قائلاً :
- متضايقش نفسك .. أصلاً أنا كنت متوقع حاجه زى كده
سأله "عزمي" قائله :
- ليه توقعت كده ؟
- يعني أكيد أهلك عايزينلك بنت متكنش اتجوزت قبل كدة ويكون مستواكم متقارب
صاح "عزمي" بحده :
- ما أنا كنت خاطب اللى متجوزتش قبل كده .. واللى كانت من نفس مستوايا .. خدت منها ايه غير قلة الأدب والخيانة والطمع والإستغلال
هدءه "كريم" قائلاً:
- "عزمي" أنا فاهم كل اللى انت بتقوله ده .. أنا بكلمك عن وجهة نظرهم هما
قال "عزمي" بحزم :
- لازم تتغير .. وجهة نظرهم دى لازم تتغير
- وهتغيرها ازاى ؟
زفر فى ضيق قائلاً :
- مع
