“Nagustuhan ba niya?” tanong ni Crimson. Ang nagsisilbing kanang kamay ni Vhal. Ito rin ang kanyang matalik na kaibigan. Nakaupo sila sa rooftop ng bahay na kanilang inuupahan habang sila ay naririto sa Sydney, Australia. Kitang-kita ang mula sa kanilang pwesto ang magandang tanawin ng karagatan.
Tumango si Vhal. “Oo,” tugon niya habang nakatingin sa kawalan. Matapos nilang magkita ni Amelia ay malungkot siyang umuwe. Akala niya ay makakasama na niya ito. Unang kita pa lang niya kay Amelia ay alam na niyang ito ang kanyang kapareha.
“Eh bakit parang natalo ka sa lotto? What happened?”
Bumuntonghininga si Vhal. “Niyaya ko siyang sumama sa atin.” Umiling-iling siya. “Kaso… ayaw niya.”
Pumalatak si Crimson. “Sabi ko naman kasi sa ‘yo eh.”
“Hindi naman masama kung susubok.”
“Eh ka
