~(AIZEN SANTOS POV)
Kahit ilang beses yata akong bumalik sa bahay ng mga Sandoval ay paulit-ulit pa rin akong maa-amaze sa mala-palasyong laki at ganda ng bahay ng mga ito.
Katulad ng dati ay hindi pa rin ako komportable sa hapag. Tahimik ang mga ito at ang naririnig ko lang ay ang tunog ng mga kubyertos. I didn't know how to act right. Parang royal family ang mga ito. Kanina pa ako nahihirapang lunukin ang pagkaing sinubo ko.
Nabasag lang ang katahimikan nang magsalita si Mr. Sandoval.
"Saan ka nanggaling noong nakaraang araw?" malamig na tanong nito habang abala sa pag-slice ng pagkain sa pinggan nito.
Katulad ko ay mukhang gusto ring alamin ng mga ito kung para kanino ang tanong na iyon.
"Hindi mo sinabing uuwi ka," muling sabi ni Mr. Sandoval at walang emosyong tumingin kay Ate.
