Every now and then
PAGKATAPOS nang nangyari sa aming dalawa ay pinag-usapan na namin ang tungkol sa gagawin kong trabaho. Pumayag naman siya na umuwi muna ako sa amin upang makapagpaalam kay mommy at kay ate na hindi ako makakauwi ng ilang buwan.
Bumalik din ako sa Micora upang kausapin ang lahat ng staffs ko na si Blade muna ang bahala sa kanila habang wala ako.
Hindi ko sinabi sa lahat, lalo na sa mga kaibigan ko na tinanggap ko ang pagiging surrogate mother. Ang sinabi ko na lamang sa kanila ay nakakuha ako ng magandang trabaho, na magsusulat ako ng panibagong libro.
Sukbit ang isang travelling bag sa aking likod habang hawak ang isang itim na card na ibinigay niya sa akin noong nakaraan ay idinikit ko ito sa pinto ng isang penthouse sa harapan ko. Dito yata siya nakatira ngayon.
