Chapter 21
Nang umalis na ang sasakyan ng barangay para dalhin sa hospital ang mga nabugbog at nasaktan ni Gelo ay lumapit ang kapitan at mga magulang ni Alyana sa kanya. May mga kasama na silang mga tanod. Sa tingin nila kay Gelo ay para na rin nila siya nahusgahan. Parang sinasabi nilang siya ang may kasalanan sa lahat. Siya nga ba talaga? Pati siya hindi na rin niya alam. Pati siya, naguguluhan na rin.
“Ano? Sumagot ka! Bago makarating ang mga pulis dito, sabihin mo sa akin, ikaw ba ang may kakagawan nong kanina?” sigaw ni Berting sa kanya. Nasa likod ni Berting at Brenda ang kapitan ng barangay. Nakikinig lang muna sa usapan nila. Nag-aabang sa kanyang pag-amin.
“Kuyaaa! Kuya, anong nangyari?” niyakap siya ni Andrew na kapatid niya at si Angie na naguguluhan kung ano nga ba talaga a
