Chapter 31
Malia Shanaya Torres
PAGKATAPOS ng kasal, nakipagkamay muna si Doc kay Judge at sa matandang babae. Simple lang ang ngiti niya, walang emosyon, parang tapos lang sa isang business deal. "Thank you," narinig kong sabi niya, magalang pero malamig.
Pagkalabas namin ng bahay, nauna siyang maglakad. Walang lingon, walang hintay. Parang hindi kami bagong kasal, parang wala lang nangyaring kasalan. Napatingin ako sa likod niyang tuwid na tuwid habang naglalakad. Wala man lang siyang sinabing kahit ano. Ni isang tingin.
Napailing ako. Ano bang inaasahan ko? Na bigla siyang magiging sweet? Na hahawakan niya ang kamay ko pagkatapos ng kasal? Natawa ako ng mapait. Stop being stupid, Malia. Alam mo kung anong pinasok mo. This is just an agreement — nothing more.
Nauna siyang sumakay sa
