Chapter 66
THIRD PERSON POV
PAGDATING ni McKenzie sa bahay, hindi na siya nag–aksaya ng kahit isang segundo. Muntik na siyang madulas sa sobrang pagmamadali. Pagkapasok, mabilis niyang binuksan ang cabinet, 'yung parte ng drawer na tanging siya lang ang nakakaalam kung paano bubuksan.
Hinila niya ang drawer. Kinuha ang folder at agad na binuksan. Parang nanlamig ang buong katawan niya. Wala ang titulo.
Napasinghap siya nang malakas, parang may humila sa sa baga niya. "No. No, no—"
Inihagis niya ang folder sa sahig, kumalat ang mga papeles, pero hindi niya man lang tiningnan. Nagdilim ang paningin niya sa galit.
"Putang—!" Hindi niya natapos.
Isang malakas na suntok ang pinakawalan niya sa gilid ng cabinet. Kumirot ang kamao niya pero ni hindi iyon umabot sa tindi ng nararamdaman ni
