NAGULAT si Leslie paggising niya ay nasa loob na siya ng kuwarto sa kanyang bahay. Hindi kaagad siya nakabangon dahil sa makirot niyang sugat. Nang kaya na niyang tiisin ang kirot ay bumangon siya at pumasok kaagad siya sa banyo at naghilamos. Saka lamang niya napansin na wala ang kuwintas sa leeg niya. Hindi pala iyon naibalik ni Marco matapos hiramin para tingnan. Nagmadali siyang lumabas sakaling maabutan pa niya sa labas ang kanyang asawa. Subalit pagdating niya sa sala ay si Orfena lang ang naroon.
“Nasaan na si Marco?” tanong niya sa babae.
“Kaninang madaling araw pa siya umalis pagkahatid sa ‘yo rito,” sagot ng ginang. “May niluto nga pala siyang breakfast mo, naroon sa kusina. Kumain ka raw pagkagising mo.”
Hindi lamang siya umimik. Dumeretso na siya sa kusina. Nag-abala pa si M
