PAGDATING sa Harley’s resort…
Nagulat si Leslie nang pagpasok nila sa VIP dinning room ay naroon ang nagguguwapuhang bampira na kasama ni Marco. Naroroon din ang mga anak at asawa ng mga ito. Sila na lang pala ang hinihintay. Katabi niya sa silya si Martina na katabi ang anak na babae. Sa kanan naman niya si Marco. Kahnay rin nila si Devey.
Si Dario ang nakaupo sa pinakadulong mesa, nakahilira sa unahan nito sina Leon, Zyrus at iba pa. Ang mga asawa ng mga ito ay magkakatabi rin sa silya. Ang wala lang sa pagpupulong na iyon ay Si Jegs, na umano’y nag-e-ispiya sa panig ng kaaway. Ang asawa lang nitong si Denise ang naroon at anak nitong lalaki na si Dylan, na may dalawang taon na.
Masasarap ang mga pagkaing nakahain, pero wala siyang nagustuhan. Panay lang ang inom niya ng red juice.
