"Alexis, nandito na ang Mama mo para sunduin ka," tawag ng guro.
Napalingon si Alexis at agad na napakunot ang noo. Ha? Bakit andito si Mama? Dapat nasa trabaho siya ngayon, ah? Lunes na, tatlong araw na mula nung nakita nila ang Papa niya sa Manila Ocean Park. Ilang araw na rin silang naghihintay ng update mula rito, pero hanggang ngayon, wala pa ring paramdam. Baka nga natatakot siya sa amin... Pero bakit ngayon biglang andito ang Mama niya?
Wala naman siyang check-up o kahit anong appointment. Ang nakapagtataka pa, siya lang ang sinusundo. Biglang sumagi sa isip niya ang isang posibilidad at kinabahan siya. Kinagat niya ang labi at nagtanong sa guro, "Pwede po ba akong samahan ng mga kapatid ko? Naiwan ko kasi sa bahay yung tungkod ko."
“Siyempre naman, sweetie. Pero babalik
