CAYE
Naging masaya at tahimik ang buhay namin dito sa Iloilo. Pumasok sa LC si Luke at ako naman ay pumapasok rin sa Cayelicious.
Masasabi ko na bumalik ulit ang buhay ko. Masaya ako dahil nagagawa ko na ulit ang mga bagay na dati kong nakasanayan gawin. Wala akong balita kay Elle. Hindi rin ako nagtatanong sa asawa ko. Nais ko na siya mismo ang magsabi sa akin ng mga nangyayari.
Ngayong araw ay nandito ako sa bakeshop at abala ako sa pagtuturo sa mga staff ko. May bagong product kasi kaming ilalabas.
"Delivery po para kay Miss Caye," sabi ng delivery man.
"Wala po akong inaasahan na delivery kuya," sabi ko sa lalaki.
"May nagpadala po sa inyo. Paki-receive na lang po ako.Marami pa po kasi akong trabaho na gagawin, Miss." sabi nito sa akin dahil siguro nahalata niya na nag-aalangan a
