Napaaray si Abhaya nang magmulat siya ng mata. Nasapo niya ang noo at ilan beses napakurap-kurap para alalahanin kung ano ang nangyari. Nanlaki ang kaniyang mata at deritsong napabangon mula sa kinahihigaan.
"Hudson?!" Nag-ikot siya ng tingin at saka lang niya napansin ang binata na nasa tabi niya at mahimbing na natutulog.
May mga galos at ilan sa mga dugo ay nanigas na sa mukha at buhok nito. Napakagat siya ng labi habang pinagmamasdan ito. Hindi niya alam kung bakit at paano siya napunta sa silid na iyon, ang importante sa kaniya ay buhay ang lalaki. Napasulyap siya sa kanan kamay nito, nagkasugat-sugat iyon at may ilan pang dugo. Napakunot siya at inabot ang kamay nito, hindi siya tanga para hindi malaman na sumuntok ito sa matigas na bagay kaya nagkaganito ang kamay nito. Pansin niy
