Namimigat ang ulo ni Luther. Hindi siya makabangon dahil sa sakit niyon dala ng hang over. Naalala niyang dumalo siya sa birthday party ni Gigi kagabi, nalasing siya at nag-check in sila ni Amber sa hotel. Hindi niya alam kung anong oras na.
Kinapa-kapa niya ang kama para hanapin si Amber. Hindi niya maramdaman ang dalaga. Wala ito sa kaniyang tabi. Pilit na iminulat niya ang kaniyang mga mata. Pinasadahan niya ng tingin ang buong paligid at hinanap ang dalaga ngunit hindi niya ito makita.
"Babe, where are you?" malakas na tanong niya ngunit walang sumagot. Tahimik ang silid at wala siyang naririnig na kahit na anong kaluskos.
Patamad siyang bumangon at bumaba ng kama. Noon lang niya napansin na wala pala siyang saplot na kahit ano sa katawan. Binalewala na lamang niya iyon at hindi na
