Alas singko pa lang ng umaga ay handa na si Cassie. Short na maong, croptop na puti at sandalyas lamang ang suot niya. Nagbaon din siya ng swimsuit kung sakaling maisipan nilang maligo sa dagat at ilang damit pamalit. Hindi niya alam kung hanggang anong oras sila mamamasyal. Inilagay niya ang mga gamit sa may kalakihang shoulder bag. Sinipat sandali ang sarili sa salamin at pagkatapos ay naupo muna sa mahabang sofa. May ilang minuto pa siyang paghihintayin bago ang oras na napag usapan nila ni Luther na magkikita sa resort.
"Sir, sigurado ka bang hindi mo na ako isasama?" tanong ni Darwin kay Luther, hinahanda na nito ang yate na gagamitin nila sa paglalayag. Kasama nito sa pag aasikaso ng yate si Poldo na siyang magpapaandar nito.
"No- you stay here, tama ng si Poldo lang ang kasama ko,
