Pagpasok na pagpasok ni Cassie sa loob ng VIP room ay nabungaran agad niya ang maduming sala. Nagkalat ang mga lata ng beer at mga pagkain sa lamesa. Tinungo niya ang kusina at nakita niyang maraming hugasan. Pagpasok naman niya sa kwarto ay nasa lapag na ang sapin at unan ng higaan. Ang mga damit na pinaghubaran ay nakakalat na lang kung saan-saan.
Hindi niya alam kung ano ang uunahing linisin. Napagdesisyunan niyang ihuli na lamang ang kwarto. Dala ang garbage bag ay sininop niya ang lahat ng basura. Ginamitan niya ng vacuum ang sofa at carpet na sahig. Ang mga alikabok ay pinagpag din niya. Nag disinfect siya sa buong paligid. Nang masigurado niyang wala siyang nakalimutang linisin at malinis na malinis na ang lahat ay isinunod naman niya ang kusina. Naghugas siya ng mga plato at lahat
