"Oh, saan ka nanggaling? Kanina pa kita hinihintay. Nakaluto na ako ng hapunan natin. Nauna na akong kumain ang tagal mo kasing dumating, gutom na ako," sabi ni Salve kay Cassie.
"Ayos lang, Ate Salve," sabi ng dalaga.
Habang naglalakad ito ay napansin ni Salve ang papel na hawak nito.
"Ano 'yang bitbit mo?" tanong ni Salve.
"Application form," tugon naman ni Cassie sabay tingin sa hawak niyang papel.
"Application form, para saan?" kunot noong tanong ni Salve.
"Para sa pag a-apply ng trabaho," tugon ni Cassie.
"Saan ka mag a-apply?" tanong na naman nito.
"Naaalala mo ba yung resort na tinuro ko sa 'yo nung nakaraan? Naghahanap sila ng mga bagong empleyado, susubukan namin ni Nene na mag-apply. Pinababalik kami bukas ng umaga."
"Cassie, tama ba ang gagawin mo? Alam mo namang may pi
