Ang posisyon bilang receptionist ay hindi nakuha ni Cassie. Si Digna ang napili sa kanilang tatlo na natira. Nanghihinayang ang dalaga ngunit wala naman na siyang magagawa.
"Huwag kang susuko, bago ka pa lang naman, pasasaan ba at sa pagtitiyaga mo ay makukuha mo rin ang posisyon na gusto mo. Huwag kang mawalan ng pag asa, patuloy mo pa ring pagbutihin ang trabaho mo dahil nakikita ko naman na may potensyal ka," sabi ng kaniyang supervisor, marahang tinapik pa siya nito sa balikat.
Ngumiti lamang si Cassie. "Maraming salamat po, Ma'am sa tiwala ninyo sa akin," sabi niya. Malaking tulong din ang supervisor niyang si Ms. Saludes dahil mabait ito sa kaniya at ginagabayan siya nito sa mga dapat niyang gawin.
"Siya nga pala, may ibabalita ako sa'yo," sabi nito.
"Ano po 'yon, Ma'am?" tanong
