Alas sais y medya nang umaga ng iwanan niya ang terasa. Nagtungo siya sa kusina para magluto ng almusal. Isinangag niya ang natirang kanin kagabi, sinamahan niya ito ng green peas, mais at carrots. Ipinirito niya ang manok na ibinanad niya sa iba't-ibang sangkap pampalasa ng magdamag simula pa kahapon upang kumapit ang lasa. Abala siya sa kaniyang ginagawa sa kusina kaya nalibang siya at hindi namalayan ang oras.
Nagulat siya ng bigla na lang humahangos na pumasok sa kusina si Luther, nagising na pala ito.
"Nasaan si Cassie?" bungad na tanong nito sa kaniya.
"Huh, sinong Cassie, Sir?" kunwari ay maang na tanong niya.
"Si Cassie, yung kasama kong babae kagabi," tugon nito. Nakita ng dalaga ang labis na pagkabahala sa mukha ng binata.
"Sir, wala naman po akong nakitang babae rito at isa
