Chapter 39
Nakahanap sina Zero at Matilda ng suman na may matamis na sawsawan sa isang matandang lalaki na nadaanan nila. Bumili ng marami si Matilda. At nasa kotse pa lang sila ay kinakain na niya 'yon.
"Ano? Sasabihin mo na ba sa akin ang magandang balita, Dada?" tanong pa ni Zero habang patuloy na nagmamaneho.
"Alam mo naman na, tinatanong mo pa," tugon lang naman ni Matilda habang ngumunguya pa.
"Ilang buwan na? Ang ganda naman ng bungad sa akin sa pagbalik ko," nakangiting sabi pa ni Zero.
"Apat na buwan na. 17 weeks to be exact," simpleng tugon naman ni Matilda.
Biglang inihinto ni Zero sa gilid ang kotse. Titig na titig ito kay Matilda ngayon. Tila hindi pa ito makapaniwala sa inamin ng nobya sa kanya.
"Totoo nga? Hindi ka na nagbibiro?" kumpirma pa niyang muli.
"Muntik na
