[CHAPTER 21]
◌●◌
YAKAP NI FRANCINE ang sarili habang nakayuko na naglalakad sa kawalan. Hangga't maaari, iniiwasan niya ang mga CCTV sa takot na may makakita sa kanya. Hindi siya nakakalabas ng hospital nitong mga nakaraang araw dahil parati siyang bantay-sarado ni Chaos.
Isa siyang Suldaga. Hindi siya pwedeng tumunganga sa isang tabi at magpanggap na maayos ang lahat. Kailangan niyang malaman kung sino ang pumatay sa papa niya at kay Eros. Hindi siya papayag na magdiwang ang mga ito habang nasa miserable siyang sitwasyon. Hindi pa maayos ang lagay ng pag-iisip niya ngunit kailangan niya iyong labanan. Wala siyang ibang kakapitan kung hindi ang sarili niya.
Sigurado siyang may sasakyang itinago ang pamilya niya rito. Kailangan niya lang hanapin kung saan ipinarada iyon. Pupuntahan niya
