[CHAPTER 32]
◌●◌
MAAGANG NAGISING si Francine nang araw na iyon. Dahil sa pag-iisip kagabi ay nakatulugan niya na ang mga binabasang files. Malapit niya na iyong matapos kaya ganoon na lamang ang sigla niya ngayon.
Dalawang linggo na ang nakalilipas ngunit wala pa ring paramdam si Chaos. Hindi niya alam kung nasaan ang binata dahil sa tuwing tinatanong niya ang mga kaibigan nito ay umiiwas at nagdadahilan.
Habang papunta sa kusina, naamoy niya ang kung anong nasusunog. Imbes na bumaba nang matino sa hagdan, natagpuan niya ang sarili na tumalon sa hawakan ng hagdan upang makarating kaagad sa ibaba. Tila lumipad din ang espiritu niya dala ng matinding pagkataranta.
Dali-dali niyang tinakbo ang kusina upang malaman ang nangyayari.
Ganoon na lamang ang gulat niya nang makita roon si
