[CHAPTER 59]
◌●◌
INABOT DIN NG ILANG oras ang paglalatag ng plano nila Chaos. Kailangang malinis ang lahat bago nila pasukin ang lugar na pinagkukutahan ng kalaban. Hindi tumigil ang binata hangga’t hindi iyon nagiging polido at maayos. Sa katunayan nga’y inabot ng kalahating araw ang naging pagpaplano nila.
Ngayong may isang dahilan si Ace para ayusin ang buhay, alam niyang gagawin ng kaibigan ang makakaya kahit sariling prinsipyo na ang nakataya. Handa itong pasukin ang lugar na dating kinasusuklaman para sa mga taong nagiging dahilan ng paghinga nito. Sa mga sinabi ni Francine dito, binigyan ng dalaga si Ace ng bagay na hindi nito tatanggihan kailanman.
Hindi maiwasan ni Chaos na mapailing. Ngayong nanumbalik na ang dating Francine, kailangang mas maging handa pa siya sa mga posibl
