SOBRANG gaan at saya ng pakiramdam ni Lexter pagkatapos niyang sabihin kay Ashley na liligawan niya ito, ngunit laking pagtataka niya pagkapasok na pagkapasok niya sa Campus. Nakakumpol ulit ang mga studyante sa bulletin board sa lobby at wari’y may malaking announcement na naka-post doon at gusto ng lahat na makita ‘yon.
Nagdere-deretso na lang siya sa paglalakad hanggang sa napansin niya si Cathy, kausap si Abigael, kasama ang tatlo nitong alipores.
“Abigael, ano ba itong ginagawa mo?"
Rinig ni Lexter na inis na sita ni Cathy kay Abigael, napa-cross arms naman sila Abigael at tumingin sa kanya. Napatingin ang mga studyante kay Cathy at mga nagbulungan.
"Hindi na ako natutuwa r'yan sa Former Campus Muse natin. Lahat na lang! Ano bang akala niya? Ganoon siya kaganda para magustuhan ng
