KEN
Nang makarating kami sa military camp, bumungad agad sa amin ang isang magulong lugar. Sira karamihan ang bahay sa paligid.
Bumaba kami sa sasakyan. Mas nakita ko ang gulo sa paligid. May mga sundalong nagmamadali — tumatakbo at nagsisigawan na tila ba bawat sandali ay mahalaga sa kanila, ang ibang sundalo ay nagdadala ng mga sugatan sa tent, at ang ilan ay tila nagbabantay sa paligid na para bang kapag nalingat lang sila sandali ay p'wedeng sumabog ang gulo.
They've been battling this situation for a month now. Habang kami masarap ang tulog, nakakakain ng maayos, ligtas — ang mga tao sa lugar na ito araw-araw na hinaharap si kamatayan.
Ramdam ko ang malakas na kabog ng aking dibdib, ngunit hindi ito dahil sa takot, kundi dahil sa bigat ng sitwasyon. Hanggang ngayon iniisip ko pa
