Samantha
Ilang buwan na rin pala ang lumipas nang umalis ako sa puder ni Alex. Pero hanggang ngayon ay hindi pa rin naaalis sa isipan ko ang mga nangyari. Akala ko, magiging madali ang lahat pero hindi pala, mas lalo akong nahirapan ngayon.
Nandito ako ngayon sa condo unit ni Alex. May mga gamit pa kasi akong naiwan kaya kailangan kong balikan para kuhanin. Mabuti na lang at wala si Alex kaya madali kong makukuha ang mga gamit ko, wala na akong argument na dapat pagdaanan pa. Madali akong nakakalabas-masok dito dahil may card key naman ako ng condo unit niya. Ipinagawa niya 'to noon para daw kapag gusto ko na umuwi dito eh may sarili akong susi.
Tinitigan ko ang buong paligid ng kuwarto niya. For so many years na nagsama kami rito, hindi pa rin mawala sa mga alaala ko ang mga magaganda
