Tuwang tuwa na niyakap ni Luke ang kanyang ama at ina ng makalapit na ito sa kanya. Hindi nagtagal ang kanyang paghihintay doon sa arrival area ng airport. Heto at makakasama na niya ang mga ito muli.
"Na-miss ko kayo ma' pa." Nakangiting panimula ni Luke sa mga magulang habang tinutulungan niya ang mga ito sa mga bagahe.
"Na-miss ka rin namin anak." Sagot ng kanyang ina habang naglalakad na sila papunta sa car park.
"Kumusta pala ang byahe ninyo?"
"Naku, kanina habang nasa taas eh, inatake ng nerbiyos ang mama mo. Paano ba naman sunod sunod ang turbulence kanina." Sagot ng kanyang ama.
"Ganun talaga kapag nagkakaedad na." Dugtong ng kanyang mama.
Ngumiti lang si Luke sa sinabi ng kanyang mama. Kung pagmamasdan ang kanyang mama ay nagkakaedad na nga ito pero nababakas pa rin an
