حطت يدها على كتف بنتها ..ـــ يمه سعاد اذا عاجبتش قعدتش في البيت ..بدون شغلة ..سعاد ـــ لا يمه ..أنا موافقة ...ام سعاد ــ خير وبركة ..حضري شنطتش ..سعاد ــ انزين ..أم سعاد **رت خاطرها بنتها اللي طول اليوم في البيت ..فشكت لأخوها غازي اللي عرض أن سعاد تسافر له في الكويت ..دامه عزابي ومحد معاه في البيت ..سعاد ـــ يعني ..كم ..يوم؟أم سعاد ــ خالش بيخلص شهر خمسة ويرجع الدوحة ..تمي معاه لين شهر خمسة ..سعاد طلبت من صافية أنها تساعدها في شنطها ..صافية ـــ بشتاق لش وايد ..هزت سعاد راسها ..وتذكرت شي ـــ المواعيد ..أم سعاد ـــ خالش بيوديش طبيب هناك ..صافية ـــ متى تسافر ؟؟أم سعاد ــ بكره الصبح ..أبوش حجز لش التذكرة ..صافية ـــ تسافر بروحها ؟؟سابقة ..ام سعاد ـــ حنا بنوصلها المطار هنا لين تركب الطيارة وهناك خالش بيستقبلها بسرعة وكلها ساعة ..ما ينخاف عليها ..أم سعاد بالها كان مكان ثاني ..كانت متعودة كل يو
