Sabrina’s Point of View
Discharge na ako sa ospital! Actually, hindi naman dapat ako magtatagal dito kaya lang ito kasing si Luke ang daming alam. Nakinig nalang din ako sa gusto niya dahil panay ang sisi niya sa sarili niya.
“Luke, hindi ata riyan ang daan palabas ng ospital niyo?” Sabi ko sa kanya nang mapansin na sa ibang direksyon siya papunta imbis na dito sa palabas ng ospital nila.
Hindi nagsalita si Luke at umiling lang. Nagpatuloy siya sa direksyon kung saan siya papunta kanina kaya wala na akong nagawa kung hindi ang sundan nalang siya.
Patuloy lang sa paglalakad si Luke at patuloy lang din ako sa pagsunod sa kanya. Tumigil kaming dalawa sa isang kwarto. Nakahiwalay at malayo ito sa ibang mga kwarto.
“Anong ginagawa natin dito?” Hindi ako muling nakakuha ng sagot kay Luke.
