SIMULA nang maging magsama sina Almira at Kurt, ngayon pa lang sila mahihiwalay sa isa't isa nang mahigit sa isang araw. Kaya naman wala pa man ay todo reklamo na si Kurt.
"Why do we have to follow that rule pa kasi!" reklamo ni Kurt habang pinapanood siyang mag-ayos. Mamayang gabi kasi, maghihiwalay na sila ng tutuluyan hanggang sa araw ng kasal.
"Eh, ganoon talaga, Sweetheart. Bale, two nights lang naman. 'Yong mamaya at bukas lang."
"Lang? You called it lang?! Eh, 'yon ngang nasa kabilang room ka lang hindi ko na kaya, 'yon pa kayang nasa ibang lugar ka?! And worst, ayaw niyo pang sabihin sa’kin kung saan kayo mag-i-stay!"
"Oh, bakit ka sumisigaw? Idea ko ba 'yon?" natatawang tanong niya. Inilahad niya ang kamay rito. "Lapit ka nga."
Nagdadabog naman na lumapit si Kurt sa kanya.
