“Abegail? A-ako po si Abegail at buhay po ako,” sagot ni Abbey sa matanda. Nagtataka siya siya sa reaksyon nito. Paano ito nagkaideya na patay na siya? Iyon ba ang kinwento ni Niccolo rito?
Ibinaling niya ang mga mata sa lalaki. Nakatingin din ito sa kanya, pero tila ba wala itong kahit konting pag-aalala sa mukha. Kaya naman minabuti niyang kunin dito ang kasagutan. Pero bago pa man siya nakapagtanong ay nagsalita na ang lalaki.
“Yaya Cora, this is Abbey. Abegail din ang totoo niyang pangalan. And she’s my wife,” mahinahong paliwanag ni Niccolo sa ginang.
Tila naman nahimasmasan ang ginang pero hindi pa rin nito mapigilang mapatitig sa kanya.
“I’m sorry. Paumanhin… Abbey?”
Tumango siya. “Opo, Abbey.”
Ngumiti ang matanda at saka tinawag ang pangalang Lara. Ang tinutukoy nito ay ang b
