HINDI aware sina Khloe at Zantiago na lihim silang pinapanood ng mga kuya nila. Napasinghap at nanlaki ang mga mata ni Gregorio nang makita ang paghalik ni Khloe sa mga labi ni Zantiago. Tila walang pakialam ang dalaga sa paligid. Pati ang kapatid niya ay tila nawalan na rin ng pakialam. Nakatingin si Zantiago kay Khloe, mababakas sa mga mata ang pagsuyo at pag-ibig.
Alam ni Gregorio na may gusto ang kapatid niya kay Khloe. Hindi naman kataka-taka iyon. Mabait na bata si Khloe bukod sa napakaganda. Masigla at masiyahin, tila hindi marunong malungkot nang matagal. May kakulitan minsan ngunit nakakaaliw naman. May nakahandang ngiti para sa lahat. Kahit noon pa mang bata ito ay nginingitian na siya nang matamis tuwing makikita siya sa bahay ng mga ito. Minsan pa nga ay sinasaluhan siya ng da
