Hindi na inusig ni Devey ang kanyang ina sa naging desisyon nito. Hindi naman niya ito masisi. Pero kung kailan tanggap na niya na hindi magtatagal ay mawawala ang mommy niya ay saka naman nagbago ang isip nito.
“Matagal kong pinag-isipan ito, anak. Gusto kong makasama ang daddy mo magpakailanman, lalo na kayo,” ani Martina.
He took a deep breath. Binalikan na lamang niya ang kanyang pagkain. “It’s okay, Mom, narito na ‘to. Ang importante masaya kayo sa naging desisyon ninyo.”
“Masaya naman ako, eh. Gusto ko masubaybayan ang future ninyo at makasama ko kayo sa pagtanda ninyo.”
“Salamat po.” Ngumiti na siya. “Kumusta na po pala ang pag-uusap ninyo ni Tita Emelia? Nagalit ba siya sa akin?” pagkuwa’y tanong niya.
“Ahm, noong una nagalit siya, pero ako na ang humingi ng tawad sa kanya. N
