DALAWANG araw na sila Ella sa safe house. Naroon ang papa niya kaya okay lang kahit doon na muna sila. Bahala nang magpaliwanag si Devey kay Jero tungkol sa pagliban niya sa trabaho. Maya’t-maya niyang binibisita ang papa niya at sa bawat dalaw niya ay may improvement na. Nagagawa na nitong ngumiti sa tuwing nginingitian niya.
Marami nang nagawa sa maghapon si Ella pero si Devey ay hindi pa lumalabas ng laboratory. Nakahanda na ang hapunan. Nang hindi pa rin lumalabas ang kanyang asawa ay pinuntahan na niya ito sa laboratory pero hindi siya makapasok. Hindi kasi rehistrado ang finger print niya sa machine para mabuksan niya ang pinto. Nagkasya na lamang siyang sinisilip sa labas si Devey buhat sa salaming binata.
Nakasuot ng puting laboratory gown si Devey, may suot na mask, gloves at ha
