OVER A YEAR LATER
MAAGA akong nagising at ang una kong hinanap ay ang mga anak ko. Bakit ang tahimik dito sa bahay? Nilingon ko ang aking asawa at wala rin s'ya sa tabi ko. Saan nagsuot 'yon? Bumangon ako at ipinusod ang aking buhok gamit ang lastiko na nasa kaliwang braso ko.
Mahaba na uli ang buhok ko at mainit na naman ang panahon. Parang gusto kong magpasalon at magpagupit uli ng buhok. Idadamay ko na rin ang mga kuko ko. Hindi man mukhang pang-construction worker ito ngayon ay gusto ko pa rin na presentable.
Hindi naman porke nag-asawa ka na at may mga anak na inaalagaan ay pababayaan mo na ang sarili mo. That's something most women these days are doing. Hindi man intentional pero dahil sa pagod sa gawain buong araw ay nalilimutan na ang sarili. This is where your husbands come i
