“Gusto mo bang sumama?” tanong sa akin ni Van nang makita niya akong nagluluto ng agahan namin.
Nahihiya kasi akong walang ginagawa kaya naisipan ko na lang magluto ng kakainin namin lalo pa at maaga rin akong magising.
Nasanay rin kasi ako noong magluto nang maaga para may kainin si Mira kasi kadalasan ay maaga rin itong nagigising at naghahanap ng makakain sa ref niya ngunit wala naman siyang matipuhan kaya ang ending noon ay ako ang taga-luto pero wala namang kaso sa akin iyon noon dahil naiintindihan ko rin ang kalagayan niya at nakikitira lang naman ako sa kaniyang condo noon.
Madalas din akong maglinis ng kaniyang condo noon dahil hindi ko naman siya hinahayaang maglinis dahil nga ay buntis siya. Ang gusto pa nga niya noon ay mag-hire na lang kami ng taga-linis pero pinigilan ko s
