“Sweetheart, sa palagay mo, sino kaya ang babaeng pumunta kanina sa graduation ko?”
Mula sa pagdadrive ay nabaling ang atensiyon ng Tito Zeke niya sa kanya.
Pauwi na sila mula sa isang restaurant kung saan silang tatlo kumain kasama ang Daddy niya. Pero kapansin-pansin na hindi na naalis ang tila pagiging tuliro ng Daddy niya mula sa biglaang pagsulpot kanina ng matandang babae hanggang sa makakain na sila. Then, nagpaalam na lang itong aalis at ni hindi sinabi kung saan ito pupunta.
Kaya ngayon ay sila na lang ng mahal niya ang magkasamang uuwi sa bahay.
“I really have no idea, sweetheart. First time kong nakita ang babaeng iyon. Pero pamilyar sa akin ang apelyido niya. I just can’t remember why. Let’s just ask kuya later, ok?” ginagap nito ang isang kamay niya pagkatapos at masuy
