Dumating ang security team ng RSE at Savage Hotels para pakalmahin ang lahat ng tao sa loob ng function room. Sinabihan din ang mga empleyado na paaalisin sila kung hindi titigil sa ginagawang panggugulo sa event.
Mabuti na lang talaga at nagtiwala ako sa mga marshal at guard na nakita ko sa paligid. Kilala ko kasi ang ilan sa kanila kaya rin ako nagdesisyong umakyat sa stage para kuhanin ang raffle prize kahit alam kong posible akong kuyugin ng mga tao.
Hawak-hawak ang raffle prize, umupo ako sa dating pwesto at uminom ng tubig. Para naman kahit papaano ay maibsan ang kabang nararamdaman ko.
“Mahalaga pa ba talaga ‘yan ngayon?” iritableng tanong ni Eunice kahit ‘di naman siya dapat maapektuhan. Lahat na lang ng gawin ko’y parang kinaiinisan niya.
“Sayang naman kasi. Mahal din ‘to,”
