Nasa mall ako ngayong araw dahil sa mallshow na hawak ko. Naayos ko na ang lahat at naghihintay na lang ako sa pagdating ng artist na magpe-perform dito. I checked my phone and saw an update from their team. On the way naman na raw sila kaya mukhang makakapagsimula naman kami sa tamang oras.
Dahil nakasakanayan na, sumilip ako sa social media at napansing kahit isa ay wala pang post si MJ ngayong araw. Kahapon ay nakapag-post pa siya ng behind the scenes ng rehearsal nila.
Nagkibit-balikat na lang ako at pagkatapos ay tinabi ang phone sa bag.
Katulad ng dati, habang naghihintay ay naisipan kong maglibot-libot muna sa mall.
Pumasok ako sa department store. Dito’y kung anu-anong gamit ang nakita ko na nagustuhan ko sa unang tingin pero hindi ko rin binili sa huli dahil ‘di naman kailan
