I’ve watched a few romance dramas before, and I remember this cliché scene whenever the female lead meets the mother of the male lead.
Gusto ng matapobreng nanay na makipaghiwalay ‘yung babae sa anak niya. Kung hindi maraan sa pananakot, susuhulan niya ito ng pera na nakalagay sa puting envelope. Kung minsan ay may nagaganap pang pagsaboy ng tubig.
Ito ang naiisip ko ngayon pero mukhang kabaliktaran pala ang mangyayari.
“Tiffany!” masayang tawag ni Tita Claire habang kumakaway pa rin. Akala yata niya ay hindi ko pa sila nakita ni Tito Allan dahil nahinto ako sa paglalakad. Natigilan din ako sa paggalaw, animo nanigas sa kinatatayuan. Naghahabol pa ‘ko ng hininga dahil sa pagod ko sa pagbaba ng hagdanan.
Nilingon na rin ako ni MJ na talagang pakay ko. Bakas ang pagtataka sa kanyang mu
