Sinarado ko na ang pinto ng kwarto ko pagkatapos naming mag goodnight ni MJ sa isa’t isa. Nakapaghilamos naman na kaming pareho, at katulad ng dati, sa sala siya matutulog at sa kwarto naman ako. Isa lang kasi ang kwarto sa unit ko hindi tulad ng kanya.
What if doon na lang siya matulog sa unit niya para kumportable siya?
Binuksan ko ulit ang pinto ng kwarto ko at naabutan kong nag-aayos na si MJ ng pwesto niya sa couch.
“Gusto mo doon ka na sa unit mo matulog ngayong gabi? Para kumportable ka,” sabi ko sa kanya. Napahawak pa ako sa batok ko, medyo naiilang tingnan siya sa hindi malamang dahilan.
“Okay na ‘ko rito. Mas madali din sa ‘kin para bukas ng umaga makapagluto agad ako ng breakfast,” paliwanag niya sa ‘kin pero hindi ako makampanteng iwan siya rito ngayong gabi.
“Sigurado ka
