Bago dumilim ay lumabas na ang mayabang at may pagka-hoodlum na lalaki. Nang sumakay ito sa isang kotse at umalis sa gusaling iyon ay sinundan naman niya kaagad ito sakay ng isang taxi kung saan kanina pa siya nasa loob niyon!
Hindi niya hahayaang makawala ito sa kanyang paningin dahil ito na lang ang link niya para mahanap si Debbie!
Medyo may distansiya ang kinalululanan niyang taxi mula sa kotse ng mayabang na lalaki kaya palagay niya ay hindi naman nito napansin na may sumusunod dito.
Ilang minuto pa ang nakalipas habang patuloy siyang sumusunod dito ay tumigil na ito sa tapat ng isang building. Napangiti na siya dahil naisip niya na malamang ay naroroon si Debbie! Sa wakas ay malapit na niyang makita ulit si Debbie!
Bumaba na ang lalaki sa may di kalayuan sa kanya at habang nakata
