“Huwag ka sanang mabibigla sa sasabihin namin.”
Iyon pa lang ang sinabi ng pulis sa kaniya ay naghisterikal na si Laura. Malakas siyang napaiyak lalo pa at ang pitaka na hawak ng pulis ay may kaunting sunog. Napaupo siya sa semento at umiyak nang umiyak habang sapo ang mukha.
Kung ano man ang masamang balita ng pulis ay hindi niya iyon matatanggap. Ayaw niyang tanggapin.
“Huminahon ka, Laura,” saad ni Marissa sa kaniya at tinulungan siya para makatayo. “Hindi pa natin alam ang totoong nangyari... Kap, mas mabuting sa loob na lang natin pag-usapan ang sasabihin n’yo para naman makaupo si Laura...”
Inakay siya ni Marissa papunta sa loob at nagsunuran ang mga hindi nila inaasahan na panauhin. Marissa closed the door dahil sa dami ng mga nag-uusyoso. Kumuha rin ang babae ng tubig at ipin
