(Shannon/ Kate)
Hindi ako halos makahinga habang hinihintay ang maging kasagutan ni Nicollo. Ayaw kong mag- isip nang hindi maganda pero hindi ko talaga mapigilan ang aking sarili.
"Hindi ko kilala personally si Simon. Naisip ko lang na baka yan ang rason mo Shannon. Hindi mo maialis sa akin ang manghinala, lalo pa't ramdam na ramdam ko ang matinding pagkasuklam mo kay Simon."
Hindi ko nababakasan ang kanyang mukha nang pagkukunwari sa kanyang sagot. Bagkus, halata ko sa kanyang mga mata na parang nagseselos sya kay Simon. Hindi ko talaga lubos akalain na ang isang katulad nya na bilyonaryo at biniyayaan ng nakakahumaling na karisma ay marunong palang magselos. At hindi ko alam kung dapat ko bang ipagmalaki ang pagiging possessive nya sa akin.
Napalanghap ako ng hangin at kinaswal ko
