Natasha Astrid’s POV
“Kumusta naman kayo ng anak ko?”
Napatingin ako kay Tita dahil sa tanong niya. Nakababad ang katawan namin sa pool kahit gabi na. Nakaupo si Tita sa hagdanan ng pool habang si Jessica naman ay palangoy-langoy.
“Maayos naman pero seloso,” sagot ko.
Hindi pa rin kami nakakapag-usap ni Jacob tungkol kay Nate dahil ang party ni Daddy ay nauwi rin sa inuman nila ni Tito kasama si Jacob. Habang kaming tatlo naman ay narito sa pool.
“Mana sa tatay,” natatawang sagot ni Tita sa akin. “Seloso rin ang daddy niya at nakakairita rin talaga.”
Napalingon ako table malapit sa pool kung nasaan ang tatlo na nag-iinuman. Nagsalubong ang mga mata namin ni Jacob. Namumula na ang pisngi niya. Mukhang lasing na dahil kanina pa sila nag-iinuman. Naririnig ko rin ang usapan kanina ni Ti
