الثامن

1189 Words

الشيخ وادي شدكول شيخ خلف بشرطه الشيخ سعد الشيخ خلف انت تحجي صدك انا اطالب ابنتي بسبت حكم حكم الشيوخ الاجاويد انه رضيت وانطيته ابنيتي فصليه وياريتني ماطيتهة عذبهة وشردهة منه هسع انه الاطالب بيهة وان جان ماردت ليه غير حجي وياهم ومن رخصتك ياشيخ وادي سعد كب نار انت بوعيك جا وين صارت انهبت نجم وسلام كاموا على حيلهم ورادوا يضربوه ردوا عليهم كاظم وسعد اولد عمامهة صاح ااشيخ وادي حسافه عليكم جا مضيف الشيخ وادي ماخش بعينكم ماله احترام اشر الشيخ خلف الولده ردوا واللهةلو ما مضيفك جا عرفت شلون اجاوبه بس اخخ حسافه انه ان**ر ببنيتي سعد شيخنا انت كلامك على راسي لجن حرمتي انه رايدهة وهذا الحجي كله خطط الشيخ خلف وان جان ماموجوده يمه لجن كلامي صدك نجم خسه بنت الشيخ خلف ماتنهب الشيخ خلف شيخنا ان جان بنيتي لا يمنه ولا يمه مثل ما يكول انه اطلب بحكم منك حكم العشاير بل الشيخ سعد بسبه بنتي شردت عذبها واكو شهود على كلامي الشيخ وادي اخذله دقايق يفكر وهو يفر السبحه والكل منتضر رد منه هو جان صافن بلبنت الي جابهة ابنه فهد وشك بيهة والتفت الابنه فهد الي جان نفس تفكير ابو فهد مكدر يحجي هو الكلام الاخير الابو الشيخ وادي شغله الحرمه اطوني مهله انه احلها ليكم مهله يومين وارد الكم خبر عنها قابلين بهل الشرط الاثنين هزوا روسهم قابلين سعد شيخنا ان مارجع منهة خبر خلال هل اليومين كدام الكل ماعلي عتب ذبحه واجب الشيخ خلف تخسه ابن حمود بنيتي مجانه عشر زلم الشيخ سعد لجن دور عليهة ورجعهة خلف شيخنا بنيتي ماتبقى يمه بعد هل الكلام لزوم يطلجهه(يطلكهة) يوم ماتبقى يمه كاظم بنيتك فصليه شيخنا مو بكيفك اطلجهة سعد خله يحجي بكيفه ههههه استفزه الكل سعد بضحكته نجم احنه انطيناك بنت الشيخ بصفاء نيه و نكطع المشاكل ونمحي العداوات بس مو بهيمه حته تعذبهة وتذبحهة موشش بكيفك وراهة زلم تهز الكاع سعد ٠٠٠٠ الشيخ وادي ان جان الهة نيه ترجع الزلمتهة نرجعهة وان جان ترد الاهلهة مالك حق شيخ سعد تجبرهة عليك وقضيه تعذيبهة هم راح نسأل بيهة حرام الحرمه شنو ذنبهة تتحمل عبئ مشاكل عشيرتين ماتخلون الله بين عيونكم ؟؟؟ خلف عظ اصبعه اخخخ انه الملوم كله بسببي بنتي مااعرف وين اراضيهة تاكل تشرب الشيخ وادي وهاي السالفه واجلناهة بعد نرجع السالفتنه التفت الشيخ سعد احجي شيخ سعد سعد شيخنا انه مرايد غير جتال اخوي الي انجتل غدر وبيته بدون سلاح وادي عندك شهود سعد انه اولهم وان جان مايكفي كلمتي هل جدامك اشر الكاظم والولد عمه وادي على راسي والجتال موجود سعد موجود ابن اخو الشيخ خلف الشيخ خلف ابن اخوي جتل صحيح وانتوا جتلتوا اخو وادي يعني اخذتوا بثار اخوكم سعد اخوي انجتل غدر وادي والمطلوب اريد يسلموني راضي وادي رجعنا ياشيخ سعد احنة نريد التراضي بين الطرفين مانريد ترجعنه النفس النقطه سعد انه ماارضه التراضي اله يسلموني جتال اخوي خلف وانه اريدن جتال ابن اخوي الشيخ وادي وسفه عليكم انه الشيخ وادي ماتنسمع جلمتي خلف حشاك شيخنا بس سعد يجبرنه بشرطه كاظم الشيخ سعد موششش بعينك فهد من رخصتك بويه وادي هز بالايجاب فهد انه من بعد ابوي الشيخ وادي اريد انطيكم حل وان جان رضيتوا اكراما للشيخ وادي عم السكوت الشيخ فهد اله هيبه ومتكلم اخذ الهيبه من جده وابوهة واذا حجه لازم يقنع مقابيله فهد مثل ماعرفت السبب الرئيسي وره هل الطلابه هو راضي هو الي تعده على اخو سعد المرحوم علاء والبادي اظلم ومكفاه راحله بنص دارهم يعني دوسه الدار هاي وحدهة الها فصل كام نجم راد يحجي اشر فهد بايدهة خلي احجي فهد ورد راضي هدد وصرخ بجلمات ماينلبس عليه ثوب ويهدد هو اولد عشيرته وخله نسوانه واطفالهة تصرخ وازه المرحوم يطلع من بيته بدون سلاح وتولاه وجتله يعني السبب كله من راضي نجم وابنوعمي الي جتلوه فهد دفاع عن ليته وعرضه وهله جا اليهد عليك ويكتل اخوك وبنص بيتك ماتكتله لو ادكله هله بيك اهنا الشيخ وادي ابتسم الابنه التلميذ صار اشطر من استاذه سكت الكل بكلامه سلام الي دائما السان يسبق عقله راضي هد عليه بسبب علاء الي اتعرض البنت الشيخ خلف وهي عرضه وبنت عمه فهد جا الولد بكليته وابمكان عام وهذا الشي كلنا نعرفه مختلط شباب وشابات يجوز يسألهة على المحاضره شي طبيعي مو سبب يقتله ويفصله من كليته تعذروني السبب كله من راضي والحق يرجع الشيخ سعد لجن اخوا انقتل ظلم و*در وهذا حكمه بيد الشيوخ انه عليه وضحتلكم الصوره الشيخ خلف سكت شيحجي وفهد بين كلشي ومطاهم اي عذر واي حق بعد هل الكلام الشيخ وادي وهسه شدكول شيخ خلف تقبل بحكمي هز راسهة بالايجاب الشيخ وادي وانت ياشيخ سعد تقبل الخاطر هل الشيبات تحترم حكمي سعد من بعد كلام ابنك حكمك ادري بي حق وعلى راسي ابتسم الشيخ وادي وكال انه اطلب ديه وراد يكمل سعد شيخنا ماارضههه اشر بايده خل اكمل الشيخ وادي وراضي ميبقه بعشيرتكم ياشيخ خلف ينطرد ولو ما اخو المقتول جا كلنا قتله واجب بس الهل سبب تنازلنه عن طلب تسليمنه للشيخ سعد وفرضنه عليه هل الحكم وخلال يومين يطلع من العشيره وادي قبلت ياشيخ سعد سعد هز بلموافقه واخيرا تم ارضاء العشيرتين لكن بقت القضيه الاساسيه زهره وهل يتوقف الرصاص ************ ام فهد هاا اوليدي شو طولتوا فهد باوع الابوا الي ابتسم وكال للكل والجد كاعد خيرك شو تضحك بويه لو ما فهيد جان سالفتهم ماتخلص ناس تجر بلطول وناس بلعرض وكلمن يكول الحق وياي الجد عفيه عليك فهيد شيخ من ظهر شيخ لجن هذا فهد ابن الشيخ وادي فهد بويهةمن رخصتكم انه رايح بشغله الاب روح اوليدي ولتنسه اترد ليه عندي وياك حجي افتهم فهد ابو يريد يسأله عن زهره ويتاكد من الي براسه فهد صار بويه ************ فهد شهد ها خوي ندهيلي الحرمه ورده ارد احاجيهة صار خويه زهره الليل كله منايمته وخايفه من اهلهة وسعد ليرجعون يتكاتلون خصوصا بعد ميعرفون بهروبه سعد ميسكت واله ترجع وينتقم منهة ولمه جوي انتهت احوالهة والرعب اخذ منهة مأخذ واتمنت لو ميته ولا واصله الهل مواصيل العشيرتين راح يتكاتلون بسببه بعد ما ترتضوا الفتره ولمه فتحت الباب شهد اخت فهد وكالتلهة الشيخ فهد يريدج عرفت انوا عرف هي الحرمه الي يدورون عليهة ولازم تصدقه بلكلام وادكوله كلشي لان هو يكره الكذب وتخاف لا بعد ميساعدهة لازم ت**به الجانبهة وهو امبين عليه طيب القلب وابن اجاويد لفت شعرهة وغطته بربطه ولبستةعباتهه الشيخ فهد تعالي ورده كعدي هنا واشر المكان كباله زهره وهي مغطيه وجهة بلعبايه كعدت شكرا شيخنه فهد على شنو على كل الي سويته ماسويت شي لا سويت واليوم هااا يعنييي اي شيخنه انه الحرمه الي شردت من شيخ سعد وانه بنت الشيخ خلف اخت نجم فهد ليش شرتي شيخنا انت تعرف والكل يعرف انه رحت فصليه الحته اوكف الدم بين العشيرتين لجن طلع الحقد جبير ومعشعش بالراس ومصبوب بلكلب والي انحفر سنين بلعقول ماتجي زهره تمسحه بايام زهره اي نعم انه اسمي زهره ابتسم فهد صوتهة جان يشبه صوت نسيم البحر بليله كمريه واحساس الحزن البيه يشبه المطر بليل الشته البارد وانت كاعد تسمع الخشب المشعول وهو يطكطك ويبعث الدفو والامان الكل انحاء جسمك فهد وهو متفاجئ بنفسه ليش احس بكل هذا الاحساس وهو اصلا ماشايف شكلها ولو باين عليهة ومن كلام امه وكل الي شافوهة جميله مجرد صوت يافهيد صوتهة فعل بيك هل الفعل جا لو شفت وجهة شلون استغفر الله حرمه على ذمه رجل شدااسوي انه تخبلت ماظل عندك هيبه يافهيد قطعت عليه افكاره انه اول ماشفتك وسمعت كلامك كلت هذا ابن اجاويد فهد☹ انه حرمه وبشاربك فهد كتلج وصلتي والي تردينه يجرالج بس لازم اسمع قصتج الاول انت تعرف قصتي اريد اسمعهة منج ********** قصه لذكرى المندلاوي

Free reading for new users

Scan code to download app

App Store Google Play

Facebookexpand_more