Agad akong napa-wow nang bumungad ang engrandeng sala pagbukas namin ng pintuan ng kuwartong nakalaan para sa amin.
Kulay cream ang pintura ng loob na may malalaking brown at gray na sofa. Sa gitna niyon ay ang bilog na lamesang may bakal na stand at mayroon ding bilog na lamesang gawa sa kahoy kung saan nakapatong ang isang crystal vase na may lamang puting mga bulaklak.
Kasunod na namin ang bellboy na may dala ng mga bagahe namin. Pero hinayaan ko lang si Keister na siyang umasikaso roon at binuksan iyong kulay puting pintuan at doon ko nasilayan ang marangyang silid. Kumawala rin ang singhap sa akin dahil puro salamin ang dingding ng kuwarto na parehong may makakapal na kurtinang green and white ang combination. May sarili ring sala set na kulay asul ang kuwarto at sa mismong taas ng
